الأغنية الجديدة لفرقة الراب العربي "ولاد الحارة" مهداة من أعضاء الفرقة إلى قرّاء موقع مسلسلات برو خصّيصًا.. إليكم تسجيلاً خاصّا للأغنية تحت عنوان "غني للناس" يليها كلمات الأغنية.
[المقطع الأول – عنان]
عشان ناسنا ما تنسانا لازم نفلت لسانا
وأفكارنا المحبوسه بزنزانه، الراب مفتاحها يطلق اسا الصراحه
لانه الناس بحاجه ماسه النا احنا
كقواد أو قوات الي الها تلجأ بالأوقات
الي فيها الرواد اتدور عملجأ، وأنجأ تحمي نفسها.
اذا أنا كفرد الي انشق من سرب هدفي الناس
تنشأ على نفس الدرب بدون فرد لانه الماضي
ماضي بجرح وبوجع القلب. فصدق، الفن ماخده وظيفه
CDبما انه فش شهاده بإيدي، هيك عالقليله ب
بقدر أوصل كل اشي شهد عليه سيدي
من نكبه لنكسه ولكل شئ مرقته أنا بشكل شخصي
فللناس اليوم بردو بغي بشكل شخصي
[المقطع الثاني – عدي]
قالولي شو بدك بتوباك وعندك ام كلثوم؟
شو بدك بثمرة الزنوج لما عندك شروش؟
وسع آفاقك، أنا كنت أقول
شوف الدنيا زي الإتحاد الأوروبي فش حدود
رجوع عالموضوع ملقيتش غير الهيب هوب
الي دمج بين عقول حره وشعوب حره
هل هي سذاجه وللا ذكاء الي خلاني أآمن بثوره تدوم
وفش محل للشعوب الحره بدولة اليهود
تطلع حواليك مجتمع ملان شباب محطمه
صبحان الراب – دمج كمان النمرده
نصيحتي خوض التجربه بالحياه بأي طريقه
ولو رجعت محطم ما حدا لحدا غير الموسيقى
غني للناس
[المقطع الثالث – علاء]
للناس بغني عأساس تسمعني
كمان تنسط عشان تربط بين المعنى اللي عندي
والايقاع الي بخبط بحماس، والراب الي بقلبي
بنبض مع احساس – اخلاص للناس
كون حافظ المعاني مش بس لافظ الأسامي
كمان حافظ عالأماني الي من لساني للغناني
فانساني من أغاني ملانه بلا معاني وركز
أدائنا خلانا بينا وبين روتانا تميز
"كم سنه وانا ميال" – تفاهات بشوفها أنا
للهيب هوب ميال من جيل 14 سنه
أجيال ورا أجيال رح تعيش على حلم شب
حب يحط حد للناس بمستوى الموسيقى
فبغني للناس وهاي هيه الطريقه
[المقطع الرابع – تامر]
مين حضرتي تأوعي غيري أستاذ؟
اذا فتحت الراب تأغير أحداث فعن افلاس بعلن
بيقلك ارفع الراس وهو غواص مدخن
كيف يعيش الناس يدوب عالأنفاس ملحق
مش كل الماس بلمع، ألماس بنفع
غني للناس، بس نمط خاص من الأشخاص بسمع
اللي معه بوعى، معكاش بلاش .الوعي بتعمر
لما في أساس معاش واللي معوش بعطيك احساس طناش
أطلب من المحتاج يشتري أقراص، استفزاز معده
الناس تغرق بالجوع هل أنا عجل انقاظ الها؟
بالكلمه، أروي نشاف كاسها؟ بلا استعاره
وتلفاز بلازماDVDبجبلها جهاز
أنا اقتباس نابع من انعكاس واقع
هاد اثبات لإزدواج أهداف عكس عكاس ساطع
بدعي إني منتوج بيئه بدل ما أسعا لإنتاج بيئه
إستنتاج: الفن مكياج حقيقه
فبغني، لتركيب وتكوين الذات
بالذات بالراب بعمل تصميم وترميم أثاث
عرفت كفايه تأعرف اني ما بعرف كفايه تأوعي الناس
فبنكمل عشانا نغني للناس
موقع المسلسلات والأفلام وبرامج التلفزيون الرائد في العالم العربي
