تداول رواد مواقع التواصل الاجتماعي في الساعات الأخيرة، أنباء غير مؤكدة تفيد بعودة الفنان أحمد سعد إلى طليقته علياء البسيوني، بعد عام كامل من الانفصال. ولم يكشف الطرفين صحة هذه الأنباء حتى اللحظة، لكن عدد من التلميحات من جانب «علياء» دفعت الجمهور للاعتقاد بعزمهما على العودة. ومع تداول هذه الانباء، اكتفت «علياء» بنشر صورة عبر «انستجرام» ظهرت فيها وهي ترفع علامة النصر.

تصريح ناري وصادم من احمد سعد

وقبل أيام، حرصت «علياء» على تهنئة «سعد» بعيد ميلاده، وقالت له: «اليوم مكنش هيعدي كده كل سنة وأنت طيب وألذ واحد في الدنيا كل سنة وأنت منور حياة كل اللي حواليك وأنا أولهم طبعًا، كل سنة وأنت أحلى حاجة في حياتنا ومقطعين بعض دايمًا، مكنش ينفع أعدي اليوم ده من غير ما أقولك أن وجودك أهم حاجة وبيخلي الدنيا أحلى دايمًا كل سنة وأنت طيب يا حمادة».

من هي علياء بسيوني؟
11. تعمل في مجال عروض الأزياء.

10. تباشر مجال عملها ما بين مصر والعاصمة الفرنسية باريس.

9. تمتلك علياء معرضًا يخص مجال الأزياء، في القاهرة.

8. تزوجت أحمد سعد في أواخر أغسطس 2021.

7. تعد الزوجة الرابعة للفنان، إذ سبقتها ثلاث زوجات للفنان أحمد سعد، الأولى من لبنى بيومي وهي أم طفليه، والثانية من الفنانة ريم البارودي، والثالثة من سمية الخشاب.

6. دخولها لحياة أحمد سعد كان بمثابة تغير جذري في حياته. حيث ارتبط بطرح أغنيات كثيرة في وقت قليل وحققت نجاحًا ضخمًا.

5. أنجب سعد من «عليا» فتاتين، عليا ومريم. بينما كان له «أحمد وجودي» من زوجته الأولى.

4. يتبادل الطرفان الرسائل الرومانسية عبر حسابهما الرسمي عبر إنستجرام.

3. قبل انفصالهما، نشرت «علياء» على صورة ارتدى فيها الثنائي نفس اللون الأخضر، وكتبت: «عيد ميلاد سعيد لكل ما أحب». وأضافت متمنية له عامًا سعيدًا: «أتمنى أن يجلب لك هذا العام كل السعادة التي في العالم». وردّ عليها سعد بتعليق أكد فيه أنها هي سبب الخير والسعادة التي في حياته، قائلًا: «مش انا لوحدي اللي عارف انك ما شاء الله وجه الخير والسعد والاستقرار بحياتي لاء الناس كلها عارفين كده. ربنا يخليكي ليا يا حبيبتي».

2. عندما حل الفنان ضيفًا على «صاحبة السعادة» قال إن «علياء صاحبة طفرة في حياتي مهمة جدًا. أنا مستسلم تمامًا لأفكارها، ومنفتح لطريقة تفكيرها. كانت صديقتي، بس شغلتني إن عندها شخصية وزنانة، لقيتها عندها شخصية فعجبتني بعد ما كنا أصحاب عادي. وخلفت بنت وسميتها علياء على اسمها. ولو خلفت 3 بنات هسميهم كلهم علياء. ومابتعرفش تطبخ وبتطلب أوردرات دليفري وحشة، وتاكل حلو وذواقة لكن مبتعملش أي حاجة».

1. بينما قالت هي عنه «كنا أصحاب عادي وبنتكلم، ومرة واحدة أكلمه ميردش عليا. أقول هو فاهم إنك ممكن تختفي يعني مثلًا، وأسهل حاجة أدخل البيدج عنده أعرف هو رايح فين وأحجز في المكان وتارجت خلاص. ولما عرفت أحمد سعد كان عندي خلفية جيدة في الإدارة وهو ده اللي هو محتاجه».

كانت علياء البسيوني فاجأت الجمهور قبل عام بإعلان انفصالها عن الفنان أحمد سعد، مؤكدة أن الطلاق تم بينهما بالفعل. ووجهت له رسالة قاسية، إذ كتبت عبر ستوري لها: «الحمد لله على كل شيء، تم الطلاق بيني وبين أحمد من شوية بناءً على رغبته. حابة أشكر أحمد جدًا على أصله الغير طيب ومعدنه السئ. وحابه أقوله شكرًا على قرارك اللحظي الغير موفق في خراب بيتنا وتدمير أسرتنا الجميلة اللي أنا حقيقي تعبت فيها لوحدي تمامًا. وحاولت وعديت بمواقف مفيش حد في مكاني يقبلها عشان الأسرة دي. وعشان المشوار اللي أنا ابتديته ومكنتش حابه إنه ينتهي».

وأضافت «شكرًا على توقيتك الجميل وأنا قاعدة ببنتي 3 أيام وأنت مش عارف حاجة عشان مشغول في الساحل وخروجات وبعدها شغلك». واختتمت «أكبر شكر على المقلب اللي أنا أخدته في العلاقة دي واللي كنت فاهمه إن ليها قيمة ببني وبضحي وبتنازل عشانها. وانت طلعتها ولا تسوى. وربنا معايا أنا وبناتي في اللي جاي وينتقم منك ويديلك على قد كل حاجة حصلت».