كشف المستشار ياسر قنطوش، ان شيرين عبدالوهاب، اساءت له بعدما تحدثت عنه في مداخلة مع الإعلامي عمرو أديب، وأعرب أنه لن يوافق على العمل معها مرة أخرى بعد تصريحاتها عنه بإنه تصرف في أحد الامور بشكل خاطئ. واضاف: وأنا معاها لحد ما تلاقي محامي تاني»

محامي شيرين عبدالوهاب يتخلّى عنها بسبب إساءتها له

وقال ياسر قنطوش خلال مؤتمر صحفي أجراه اليوم: «اللي بيني وبين شيرين عبدالوهاب كبير وأنا بحترمها وماسك القضايا بتاعتها بقالي سنتين وبقدرها لكن هي غلطت فيا لما قالت مع عمرو أديب إن المحامي بتاعي أتكلم غلط».

وتابع ياسر قنطوش: «و أنا كرامتي فوق كل شئ وفوق أي مغريات وأنا لسه ماسكاها القضايا بتاعتها لحد ما تلاقي محامي تاني وأنا متواصلاتش معاها بعد مكالمة عمرو أديب لأني كنت منفعل وفي ناس حواليها وصلولها خبر إني سبت شغلها».

واستكمل قنطوش: «و أنا لازم أوضح للناس مين اللي مش شايف شغله وسبب إني أسيب الشغل معاها دا حفاظا على اسمي وشيرين اللي فيها مكفيها وربنا يقويها على اللي هي فيه».

بيان صحفي
وكان المستشار ياسر قنطوش، قد أصدر بيانًا صحافيًّا، امس السبت، أعلن من خلاله تنحيه عن تولي قضايا الفنانة شيرين عبدالوهاب، وتنحيه أيضًا عن كونه محاميها الخاص.

وقال قنطوش في البيان،: "لم أخسر قضية دافعت فيها عن الفنانة شيرين عبدالوهاب منذ عملي معها قبل سنوات، وما تم ذكره في مداخلتها مع الإعلامي عمرو أديب كانت تقصد به أحد المحامين كان مسؤولًا من قبلي عن قضاياها مع شركة روتانا"، مؤكدًا أنه تم اقتطاع جزء كبير من اللقاء عبر برنامج "الحكاية"، وعرض دقائق قليلة لم توضح موقف الفنانة شيرين مع شركة "روتانا".

حديث شيرين مع عمرو أديب
وكانت الفنانة المصرية قد تحدثت مع الإعلامي عمرو أديب، عن أزمتها مع شركة "روتانا"، والتي أثارت ضجة خلال الأيام الماضية، وذلك بعدما قامت الشركة بحذف 4 أغان للفنانة مؤخرًا.

وانفعلت شيرين على الهواء أثناء حديثها عن الشرط الجزائي والتعويضات للشركة خلال المداخلة الهاتفية مع أديب، قائلة: "شغلي مش هدية لحد.. ده رزقي ورزق عيالي، مش كفاية واخدين منى 8 مليون جنيه بالغلط، دي فلوس عيالي يافندم". وأضافت: "مع كامل احترامي لكل اللي اتكلموا في الأزمة، قسما بالله العظيم كل كلامهم غلط حتى المحامي بتاعي، علشان ما أوضحش للناس الموضوع، والموضوع بالبلدي لازم الناس كلها تعرفوا".

ننن