يعتبر الكثيرون ان الديو الذي جمع بين النجمة اللبنانية الكبيرة صباح مع الكوميدي المصري الراحل فؤاد المهندس هو من أشهر الديوهات التى تدخل البسمة على قلوبنا في شهر رمضان الفضيل وتعطيه بهجة ونكهة خاصة. والجميل في الاغنية انها تنتقد ظواهر اجتماعية سلبية عديدة تمر علينا في رمضان خاصة الاكثار في اعداد المأكولات والاطباق الدسمة لدرجة الافراط، لكن النقد يتم بطريقة كوميدية غنائية خفيفة دم ومقبولة على الجميع وبشكل خناقة لطيفة بينهما.
تنتقد الاغنية ظاهرة الافراط في اعداد المأكولات في رمضان لكن النقد يتم بطريقة كوميدية غنائية خفيفة دم وتقول الاغنية: الراجل دة هيجنني .. هيجنني، طير مفاتيح عقلي مني .. هيجنني يجي رمضان .. وخناقه يزيد .. عايز طباخة سكة حديد.
تقول كلمات الاغنية:
الراجل دة هيجنني .. هيجنني
طير مفاتيح عقلي مني.. هيجنني
يجي رمضان.. وخناقه يزيد.. عايز طباخة سكة حديد
اللحمة 3 أشكال .. و طيور بجنيه و ريال
ويوماتي رز ومكرونة .. وكنافة باللوز وعلب تونة
غير السلطات .. والمحشيات .. والمشويات .. والحلويات
وإن قلت ياخويا الأكل كتير .. الاكل كتير
وبلاش بعزقة و بلاش تبذير .. وبلاش تبذير
يصرخ و يقول:
يا خواتي صايم و راجل شقيان
و مراتي عايزة تجوعني حتى في رمضان
دي مصيبة إيه دي؟
يا عالم فهموه رمضان ماعمروش قال كده
رمضان قال إحمدوه والحمد مش بالشكل ده
الراجل دة هيجنني
يجي من العصر للمغرب و حريقة تطير
و يخش المطبخ و يقوم زعابيب قمشير
عملينلنا وزة بالخلطة و بفتيك و صينية مكرونة بس!!!
وخضار صنفين و كباب حلة وضرمة باللحمة المفرومة بس!!!
طب فين اللحمة المشوية و الفتة فين والتقلية؟؟
والسمك البوري اللي أنا جايبه
راح فين و الشوربة فين هي؟؟
وإن قلت ياخويا الأكل كتير .. الاكل كتير
وبلاش بعزقة و بلاش تبذير..وبلاش تبذير
يصرخ و يقول:ياخواتي صايم و راجل شقيان
و مراتي عايزة تجوعني حتى في رمضان
دي مصيبة إيه دي؟
يا عالم فهموه رمضان ماعمروش قال كده
رمضان قال إحمدوه والحمد مش بالشكل ده
الراجل دة هيجنني
ونرص الأكل على السفرة أشكال و ألوان
والفول أبو زيت أصلي بحبه في فطور رمضان
يسيب الأكل كله و يمسك طبق الفول
ولقمة تجر لقمة يشبع و يقوم على طول
والأكل بحاله يتشال و الحال تاني يوم ه الحال
وإن قلت ياخويا الأكل كتير..
الاكل كتير وبلاش بعزقة و بلاش تبذير..
وبلاش تبذير يصرخ و يقول:
ياخواتي صايم و راجل شقيان
و مراتي عايزة تجوعني حتى في رمضان
دي مصيبة إيه دي؟
يا عالم فهموه رمضان ماعمروش قال كده
رمضان قال إحمدوه والحمد مش بالشكل ده
الراجل دة هيجنني
موقع المسلسلات والأفلام وبرامج التلفزيون الرائد في العالم العربي
