نشر شاب مصري يدعى مايكل سامي، قصة شرائه فانوس رمضان لهذا العام، واثار كلامه تأثر الكثيرين ممن أكدوا ان وحدة المصريين مسلمين ومسيحيين لن يفرقها أحد. فمن ناحية هناك مبادرة مايكل المسيحي لشراء فانوس ليحتفل مع اخوته المسلمين، ومن ناحية أخرى هناك رد فعل البائعة المسلمة التي تأثرت حين رأته يضع إشارة الصليب على يده.

وقال سامى في صفحته الشخصية على موقع "فيس بوك": "أول مسيحي في مصر يشتري فانوس رمضان، لاقيت نوع بـ75 جنيه ونوع بـ15 جنيه، فقلت أجيب أبو خمستاشر جنيه"، وأضاف: "لما جيت أحاسب فالست شافت في إيدي الصليب وراحت قالتلىي "محدش هيقدر يفرقنا ابدا.. والمصحف مانا واخده تمنه"، فأنا قولتلها ما يصحش يا حجه، فقالتلى أبدا كل سنة وانت طيب يا بني..." وأضاف مازحا: "خدته ومشيت وأنا زعلان أني ما ختارتش أبو 75". واختتم سامى مايكل تعليقه الذي روى فيه قصة شرائه الفانوس قائلا: "رمضان كريم، رمضان بتاعنا كلنا". وأثارت كلامه ردود أفعال إيجابية كبيرة على مواقع التواصل الاجتماعي وحصد آلاف المشاركات والإعجابات. ومن هذه التعليقات:

مايكل سامي

محمد محسن فهمي: انا معرفش حضرتك و لاقيت البوست متشير.... و اول مرة اكتب كومنت لحد معرفوش.... بس اقسم بالله فرحت وكنت مبتسم انا بقرأ البوست.... كل سنة و كلنا طيبين و اخوات و عمر ما حد يقدر يفرقنا و نحتفل مع بعض في اي مناسبة.... كلنا عايشين مع بعض و رسولنا الكريم وصانا علي سابع جار... و انا كل سنة بعزم صحابي الاقباط علي الفطار و اقسملك بالله بيبقي احلي يوم في حياتي. ربنا يبعد عنا كل الفتن

مريم عدلي: ما حدش هيقدر يفرقنا أبدا...

محمد محمد عواد: على فكره احنا طول عمرنا كده نحزن نفرح سوى نعيد سوى مفيش حاجة اسمها عيد مسيحي أو عيد مسلم كل العالم لكل طائفة عيد خاص بية إلا فى مصر المناسبات الدينية بتكون لكل المصريين مسلم ومسيحي

رامي صقر: اهو ده بوست ولقطه احسن من مية لقطه بين شيخ وقسيس عالتلفزيون ، طول عمرنا عندنا صحاب أقباط ومدرسين أقباط وجيران أقباط وعمرنا ما سألنا الأسئلة دي يا عماد ، كل سنه وانتو طيبين

فاطمة سليمان: انا عايشه في امريكا، مره راجل و مراته اقباط مصريين كنا في محل ابتسمولي فابتسمتلهم، و كانوا سعيدين ان شافوا واحده مصريه محجبه و عبرولي عن فرحتهم و شوقهم ان شافوا حد من اهل بلدهم!!ادخلوا السعاده جوايه بحركه بسيطه جدا، الوحده مش بالاغاني، دي بدمنا سواء ارادوا ام ابوا!! نفس اللون، نفس خفه الدم، نفس العادات،نفس لون الجلد، عمر محد حيحس بقيمه الحاجات دي الا لما يخرج برا مصر!

يوسف عادل: علي فكره بقي مش موضوع 15 او 75 ولا اي فلوس الست فعلآ انبسطت جدآ ولو كان ثمنه اكتر من كده بكتير ماكنتش هتاخد فلوس لانها حست احساس حلو جدا وده ميتقدرش بفلوس..

ألفت عياد: انا مصريه مسيحيه لازم اشترى فانوس واعلق واحد في البلكونه في رمضان ولازم في المولد اشترى عروسه ابويا الله يرحمه كان معودنى علي كده كل سنه واحنا كلنا بخير

كريم منصور: يا باشا انا مسلم ومره اشتريت عربيه من واحد مسيحي وكان معلق فيها سلسله صليب وانا حاطط علي الطابلوه مصحف و وفضلت كده وبعتها وهي فيها الاتنين جنب بعض